Өндіріс күнтізбесі

2025 жылға арналған Қазақстандағы өндірістік күнтізбе — бизнес пен кадрлық есеп үшін маңызды құрал..

2025 жылға арналған өндірістік күнтізбе — жұмыс уақытын жоспарлау, жалақыны есептеу және жұмыс үдерісін ұйымдастыру үшін қажетті ақпаратты ұсынады. Бұл әсіресе жалақыны есептейтін және жұмыс кестесін жоспарлайтын бухгалтерлер мен кадр қызметкерлері үшін пайдалы.

Күнтізбеде жұмыс және демалыс күндері, сондай-ақ қызметкерлердің жұмыс кестесіне әсер етуі мүмкін мереке күндері туралы мәліметтер қамтылған. Бұл жұмыс күндерінің нақты санын анықтауға мүмкіндік береді, ал бұл өз кезегінде демалыстарды, артық жұмыс уақытын және еңбек заңнамасына байланысты басқа да есептеулерді жоспарлау үшін маңызды.

Қазақстан Республикасында атап өтілетін мереке күндері:

1–2 қаңтар – Жаңа жыл (5 қаңтар, жексенбі күнгі демалыс 3 қаңтар, жұмаға ауыстырылады);
8 наурыз – Халықаралық әйелдер күні (8 наурыз, сенбі күнгі демалыс 10 наурыз, дүйсенбіге ауыстырылады);
21–23 наурыз – Наурыз мейрамы (22 және 23 наурыз — сенбі және жексенбі күндері, демалыс 24 және 25 наурыз, дүйсенбі мен сейсенбіге ауыстырылады);
1 мамыр – Қазақстан халқының бірлігі күні;
7 мамыр – Отан қорғаушылар күні;
9 мамыр – Жеңіс күні;
6 шілде – Астана күні (6 шілде, жексенбі күнгі демалыс 7 шілде, дүйсенбіге ауыстырылады);
30 тамыз – Қазақстан Республикасының Конституциясы күні (30 тамыз, сенбі күнгі демалыс 1 қыркүйек, дүйсенбіге ауыстырылады);
25 қазан – Республика күні (25 қазан, сенбі күнгі демалыс 27 қазан, дүйсенбіге ауыстырылады);
16 желтоқсан – Тәуелсіздік күні.

Мереке күндері:

2001 жылғы 13 желтоқсандағы №267-II Қазақстан Республикасының Заңына сәйкес ««Қазақстан Республикасындағы мерекелер туралы» Заңға сәйкес ұлттық және мемлекеттік мерекелер атап өтілетін күндер мереке күндері болып танылады және еңбек заңнамасына сәйкес жұмыс емес күндер болып табылады.

Мұсылман күнтізбесі бойынша атап өтілетін Құрбан айттың бірінші күні мен 7 қаңтар — православиелік Рождество — демалыс күндері болып табылады (ауыстырылмайды).

2025 жылы Құрбан айттың бірінші күні 6 маусымға сәйкес келеді.

Қазақстан Республикасының Еңбек кодексінің 79-бабына сәйкес, ұйымдарда қызметкердің нақты жұмыс істеген уақыты есепке алынуы тиіс.

Жұмыс уақытының балансы – 2025 жыл

Неліктен жұмыс уақытын есепке алу қажет?

Жұмыс уақытын есепке алу – бұл қызметкерлердің жұмыс кестесін заң талаптарына сай ұйымдастырудың маңызды құралы. Ол жалақыны дұрыс есептеуге, қызметкердің құқықтарын сақтауға және компания жұмысының тиімділігін арттыруға көмектеседі. Жұмыс және мереке күндерін ескере отырып жүргізілген есеп жоспарлауды жеңілдетіп, уақытты тиімді пайдалануға және еңбекақыны нақты есептеуге мүмкіндік береді.

Күнделікті жұмыстың ұзақтығы:

Бес күндік жұмыс аптасында:
• Күніне 8 сағат, аптасына 40 сағат.;
• Күніне 7 сағат 12 минут, аптасына 36 сағат..
Алты күндік жұмыс аптасында:
• Күніне 7 сағат, аптасына 40 сағат;
• Күніне 6 сағат, аптасына 36 сағат.
40 сағаттық жұмыс аптасындағы жұмыс уақытының ұзақтығы:
• Бес күндік жұмыс аптасы: бес жұмыс күні, әрқайсысы 8 сағаттан;
• Алты күндік жұмыс аптасы: бес жұмыс күні – әрқайсысы 7 сағаттан, және бір жұмыс күні – 5 сағат.
36 сағаттық жұмыс аптасындағы жұмыс уақытының ұзақтығы:
• Бес күндік жұмыс аптасы: бес жұмыс күні, әрқайсысы 7 сағат 12 минуттан (7,20 сағат);
• Алты күндік жұмыс аптасы: алты жұмыс күні, әрқайсысы 6 сағаттан.

2025 жылға арналған жұмыс уақытының нормалары

40 сағаттық жұмыс аптасы үшін жұмыс уақытының нормалары:
• Бес күндік жұмыс аптасы: 1968 сағат (246 жұмыс күні × 8 сағат);
• Алты күндік жұмыс аптасы: 1990 сағат (250 жұмыс күні × 7 сағат + 48 жұмыс күні × 5 сағат).
36 сағаттық жұмыс аптасы үшін:
• Бес күндік жұмыс аптасы: 1771,20 сағат (246 жұмыс күні × 7,2 сағат);
• Алты күндік жұмыс аптасы: 1788 сағат (298 жұмыс күні × 6 сағат).
2025 жылға арналған орташа айлық көрсеткіштер:
• Бес күндік жұмыс аптасында орташа жұмыс күндері саны— 20,50 күн;
• Алты күндік жұмыс аптасында орташа жұмыс күндері саны— 24,83 күн.
Орташа айлық күнтізбелік күндер саны: 29,33 (мерекелік күндерді есепке алмағанда).

Қазақстан Республикасының Еңбек кодексінің 68-бабына сәйкес, жұмыс аптасының стандартты ұзақтығы – 40 сағат. Алайда, заңнамада азаматтардың кейбір санаттары үшін қысқартылған жұмыс уақытына жол беріледі. Бұл жағдайлар еңбек шарттарында және арнайы нормативтік актілерде көрсетіледі.

Қысқартылған жұмыс уақыты кімге тиесілі?

• 14–16 жастағы жасөспірімдер – аптасына 24 сағаттан аспау керек;
• 16–18 жастағы жастар – аптасына 36 сағаттан аспау керек;
• Зиянды еңбек жағдайларында жұмыс істейтін қызметкерлер – аптасына 36 сағаттан аспау керек (кәсіптердің арнайы тізіміне сәйкес);
• І және ІІ топтағы мүгедектігі бар адамдар – аптасына 36 сағаттан аспау керек.