+7 (707) 350 02 20
Қазақстанда Мемлекеттік кірістер комитеті мен Ұлттық банк бірлесіп, 2024 жылдың IV тоқсанынан бастап цифрлық теңге негізінде ҚҚС басқарудың жаңа жүйесін сынақтан өткізуде.
Цифрлық теңге – бұл ұлттық валютаның блокчейн технологиясына негізделген сандық түрі, ол қаражаттың мақсатты пайдаланылуын қамтамасыз етеді.
Цифрлық теңгені қалай сатып алуға болады?
Пилоттық жобаға қатысатын экспорттаушы компаниялар банктердің қатысуымен Ұлттық банктен ҚҚС таңбаланған цифрлық теңгені сатып ала алады. Бұл таңбаланған қаражат тек бюджетпен және жеткізушілермен есеп айырысу үшін қолданылады және қолма-қол ақшаға айналдырылмайды.
Цифрлық ҚҚС жүйесінің артықшылықтары:
- ҚҚС қайтару мерзімі 55-75 күннен 15 жұмыс күніне дейін қысқарады;
- Салықтық тексерулердің болмауы әкімшілік және қаржылық шығындарды азайтады;
- Қаражат айналымының жылдамдығы артып, қаржылық жоспарлауды жеңілдетеді.
Пилоттық жобаның алғашқы қатысушыларына ҚҚС 5 күн ішінде салықтық тексерулерсіз қайтарылды. Жүйенің тиімділігі дәлелденгендіктен, Мемлекеттік кірістер комитеті цифрлық шешімдерді одан әрі кеңейтіп, салықтық түсімдердің ашықтығын арттыруды жоспарлап отыр.