+7 (707) 350 02 20
Қазақстан Республикасының Денсаулық сақтау министрлігі медицина қызметкерлерінің біліктілік санаттарын беру тәртібіне өзгерістер енгізді.
Жаңа ережелерге сәйкес келесі санаттағы медицина қызметкерлері білімді бағалау және кейс-тест тапсырудан босатылады:
-
2021 жылғы 1 қаңтардан кейін мерзімі өткен санаттар
-
Мерзімсіз санатын қайта рәсімдейтіндер
-
Қолданыстағы біліктілік деңгейін растайтындар
Сонымен қатар «Мейіргер ісі» мамандығы бойынша техникалық және кәсіптік, ортадан кейінгі немесе жоғары медициналық білімі бар мамандар бұрынғы жұмыс өтіліне сәйкес біліктілік санатын сақтайды.
Бұған дейін медицина қызметкерлерінің қаржылық жүктемесін азайту мақсатында, қанағаттанарлықсыз нәтиже алған жағдайда, емтиханды алғаш рет қайта тапсыру ақысыз болатыны жарияланған. Медбикелер үшін бағалау құны 21 000 теңгеден 17 000 теңгеге дейін төмендетілді.
Медицина қызметкерлері біліктілікті растау рәсімінен бұйрық күшіне енгеннен кейін 10 күннен соң өте алады. 1 сәуір 2025 жылғы № 29 бұйрығы алғашқы ресми жарияланған күннен бастап он күн өткен соң күшіне енеді.