ИСНА жүйесіндегі жаңа Салық төлеушінің кабинеті іске қосылды

2025 жылғы 21 мамырдан бастап Қазақстанда Салықтық әкімшілендірудің жаңа ақпараттық жүйесі – ИСНА кезең-кезеңімен іске қосылады. Бұл жүйе аясында салық төлеушінің жаңа жеке кабинеті қолжетімді болды.

ИСНА кабинетінде келесі есептілік түрлері қолжетімді:

• экспорт және импорт мәмілелерін бақылау бойынша есептер;

• электрондық саудамен айналысатын тұлғалар ұсынатын мәліметтер;

• бақыланатын шетелдік компанияға қатысу туралы өтініш;

• корпоративтік табыс салығы бойынша есептер (ФНО 101.01, 101.02, 101.03);

• жазылу бонусы, тарихи шығындарды өтеу, ренталық салық, пайдалы қазбаларды өндіру салығы және балама салық бойынша декларациялар (ФНО 510.00, 560.00, 570.00, 590.00, 600.00).

Жаңа кабинетке кіру үшін https://knp.kgd.gov.kz сілтемесі арқылы өтіңіз. Құжаттармен жұмыс істеу және жүйе функционалы бойынша нұсқаулықтар Қолдау – Көмек – Анықтамалық ақпарат бөлімінде орналасқан.

Назар аударыңыз: көрсетілген есептерді ескі кабинет немесе СОНО арқылы жіберу мүмкіндігі жабылады.

Сұрақтар туындаған жағдайда келесі байланыс арналарына хабарласуға болады: 8 (7172) 73 55 11, WhatsApp +7 (705) 956 53 71, электрондық пошта: knpsd@ecc.kz