+7 (707) 350 02 20
eGov.kz порталында жеке практикамен айналысатын тұлғаларды тіркеу онлайн қолжетімді. Енді адвокаттар, нотариустар, жеке сот орындаушылары мен медиаторлар 1 жұмыс күні ішінде салықтық есепке тұра алады.
Тіркеу салықтық әкімшілендіру мақсатында жүргізіледі және кәсіби лицензиясы бар азаматтарға қатысты. Қызметке тіркелу, өзгерістер енгізу және есептен шығару кіреді. Ақпарат автоматты түрде Мемлекеттік кірістер комитетіне жолданады.
Қызметті пайдалану үшін eGov.kz порталына кіріп, «Бизнеске» бөлімінен қажетті қызметті таңдап, лицензия нөмірін көрсетіп, ЭЦҚ арқылы қол қою қажет. Жауап жеке кабинетте қолжетімді болады.
Жаңартылған қызмет тіркеу үдерісін жеңілдетіп, бизнес пен салық органдары арасындағы өзара әрекеттестікті жақсартты.