+7 (707) 350 02 20
Қазақстан Республикасы Қаржы министрлігі Мемлекеттік кірістер комитеті жаңа Салық кодексінің нормаларын іске асыру аясында, 2026 жылғы 1 қаңтардан бастап «Электрондық шот-фактуралар» ақпараттық жүйесіне (ЭСФ АЖ) жаңа функциялар енгізілгенін хабарлайды.
Жаңартулар электрондық шот-фактуралармен жұмыс істеудің негізгі процестерін қамтиды және келесі өзгерістерді енгізеді:
Резидент емес тұлға үшін ЭШФ жазып беру
Егер резидент еместен жұмыстар немесе қызметтер сатып алынған және өткізу орны Қазақстан Республикасының аумағы болып танылған жағдайда, ҚҚС төлеуші салық төлеуші резидент емес тұлға үшін электрондық шот-фактура жазып беруге міндетті.
ҚҚС сомаларын есепке жатқызу
ЭСФ АЖ-да алынған электрондық шот-фактуралар бойынша қосылған құн салығының сомаларын есепке жатқызу функционалы іске асырылды.
ЭШФ-ты алушының растауы
Жаңа Салық кодексінің талаптарына сәйкес, ЭСФ АЖ-да алушы тарапынан электрондық шот-фактураларды растау механизмі енгізілді.
ҚҚС төлеуші болып табылатын алушылар:
-
ЭШФ-тың жазып берілуін;
-
ЭШФ-тың кері қайтарылуын
растауға немесе қабылдамауға міндетті.
ҚҚС төлеуші болып табылмайтын тұлғалар үшін бұрынғы тәртіп сақталады — түзетілген, қосымша және кері қайтарылған ЭШФ-ты 10 күнтізбелік күн ішінде қабылдамау мүмкіндігі бар.
ЭШФ бланкісіне жаңа өріс қосылды
«В. Жеткізушінің деректемелері» бөлімінде
9-өріс — «ҚҚС төлеуші ретінде тіркеуге қойылған күні» қосылды.
ҚҚС-тың жаңа мөлшерлемелері
СНТ, ЭШФ, АВР және ЭД бланкілеріндегі «ҚҚС мөлшерлемесі» графасы 5% және 10% жаңа мөлшерлемелерімен толықтырылды.
Өзгерістер бойынша толық ақпарат КГД-ның ресми сайтында қолжетімді. Жаңартылған әзірлеуші жинағы (SDK) жүктеу үшін орналастырылған.