+7 (707) 350 02 20
Қазақстан Республикасының Салық кодексі аясында 2026 жылғы 1 қаңтардан бастап электрондық шот-фактураларға (ЭСФ) қатысты бірқатар негізгі өзгерістер күшіне енді.
Негізгі өзгерістер:
1. ЭСФ-ны алушының міндетті түрде растауы
Түзетілген, қосымша және кері қайтарылған ЭСФ-лар ҚҚС төлеуші болып табылатын алушы тарапынан ИС ЭСФ жүйесінде міндетті түрде расталуы тиіс.
ҚҚС төлеуші емес алушылар үшін белгіленген мерзім өткен соң автоматты растау көзделген.
2. ЭСФ жазуға міндетті тұлғалар тізімінің кеңеюі
-
ҚҚС төлеушілер — егер жұмыстар мен қызметтерді резидент емес тұлғадан алып, өткізу орны ҚР аумағы болып танылса, резидент ЭСФ жазуға міндетті.
-
ҚҚС төлеуші емес тұлғалар, оның ішінде:
-
оңайлатылған декларация негізіндегі арнаулы салық режимін қолданушылар;
-
медициналық қызметтер мен медициналық мақсаттағы тауарларды өткізушілер;
-
адвокаттық кеңселер.
-
Сонымен қатар, құны 1 000 АЕК-тен асатын азаматтық-құқықтық мәмілелер бойынша ЭСФ жазу міндеті алынып тасталды.
3. Биометриялық сәйкестендіру
Биометрия:
-
ИС ЭСФ жүйесіне тіркелу кезінде;
-
салықтық тәуекелдер анықталған жағдайда ЭСФ растау кезінде талап етіледі.
Биометриядан өту саны 3 ретпен шектеледі.
4. Тауар кодын көрсету
Заңда көзделген жағдайларда тауар коды Ұлттық тауарлар каталогына сәйкес көрсетілуі тиіс.
5. ҚҚС-ты есепке жатқызу
ИС ЭСФ жүйесінде ҚҚС сомасын есепке жатқызу туралы белгі декларация тапсырылғанға дейін енгізіледі.
6. Комиссиялық сыйақыны бөлек көрсету
Комиссия және көлік экспедициясы шарттары бойынша сыйақы сомасы ЭСФ-та жеке жолмен көрсетіледі.
7. Жеткізуші деректеріндегі жаңа өріс
B бөліміне «ҚҚС төлеуші ретінде тіркелген күні» деген жаңа 9-өріс қосылды.