ГПХ еңбек шарттарының орнына қолдануға тыйым салынады

Сенаторлар қызметкерлердің еңбек құқықтарын қорғауды күшейтуге және еңбек жағдайларын жақсартуға бағытталған заң жобасын қабылдады.

Заң аясында келесі шаралар қарастырылған:

• Егер азаматтық-құқықтық шарттар (ГПХ) іс жүзінде еңбек қатынастарын реттесе, оларды жасауға тыйым салынады.

Мұндай қатынастардың белгілері:

• белгілі бір мамандық немесе лауазым бойынша жұмыс орындау;
• жұмысты жеке орындау және ұйымның ішкі тәртібіне бағыну;
• еңбекақыны нәтиже үшін емес, еңбек процесі үшін алу.

Сондай-ақ:

• 14 жасқа дейінгі балалары бар жалғызбасты ата-аналарды жұмыс берушінің бастамасымен жұмыстан шығаруға тыйым салынады (қысқарту немесе өндіріс көлемінің төмендеуі жағдайында да);
• келісім комиссияларының жұмысына тәуелсіз делдал тарту мүмкіндігі енгізіледі;
• ереуіл кезінде қауіпті өндіріс орындарында ең төменгі қажетті жұмыс көлемін қамтамасыз ету міндеттеледі;
• жазатайым оқиғаларды тергеу комиссиясының құрамы кеңейтіледі (адвокат, жұбайы немесе заң кеңесшісі қатыса алады);
• жазатайым оқиға кезінде қызметкердің кінә деңгейі 25%-дан аспауы тиіс.

Заңды қабылдау қызметкерлердің әлеуметтік қорғалуын арттырып, еңбек қатынастарының ашықтығын қамтамасыз етеді және еңбек дауларының санын азайтады.