+7 (707) 350 02 20
Әлеуметтік медициналық сақтандыру қоры жарналар мен аударымдарды уақытында төлеудің маңыздылығын еске салады — бұл МӘМС жүйесінде медициналық көмекке үздіксіз қол жеткізудің негізгі шарты.
«Сақтандырылған» мәртебесі соңғы 12 айдағы үздіксіз төлемдер болған жағдайда ғана беріледі. Төлемдерде үзіліс болған жағдайда мәртебе тоқтатылады, бұл медициналық қызметтерге қолжетімділікті шектейді.
Жарналар мен аударымдар ай сайын төленуі тиіс. Төлемдердің толықтығы мен уақыттылығын мемлекеттік кірістер органдары бақылайды. Уақтылы төленбеген жағдайда өсімпұл есептеледі және салықтық әкімшілендіру шаралары қолданылады.
Мемлекеттік кірістер комитеті мен Әлеуметтік медициналық сақтандыру қоры тұрақты түрде мониторинг жүргізеді.
2025 жылдың қорытындысы бойынша жұмыс берушілер, жеке кәсіпкерлер және жеке практикамен айналысатын тұлғалар арасында төлемдерді уақытында төлемеу жағдайлары жиі тіркелген.
Медициналық көмекке қолжетімділікті сақтау үшін төленбеген кезеңдерді алдын ала тексеріп, қажет болған жағдайда төлемдерді уақытында жүргізу ұсынылады.